Si ‘u malutempu scamparrà, un dumani,
e discurremu di stu timpurali,
ti dicu iu soccu mi vurrai diri,
prima ca parri; ca giá nni parramu
e nni sciarriamu e nni vulemu mali
senza telefunari, di luntanu.
Puru si ‘un nni sintemu, iu ti sentu,
e ‘i to’ accusi mi strammanu lu cori.
Sacciu ‘i palori to’, una ppi una,
e comu ti rinesci a l’ammiscari.
E tu chi sai li mei, nni li me’ sonni
cuntrasti e ti sciarrii cu ‘i me’ pinseri.
CONTRASTO
Se il maltempo cesserà, un domani,
e parleremo di questo temporale,
ti dirò io ciò che mi vorrai dire,
prima che parli. Ché già ci parliamo
e litighiamo e ci vogliamo male
senza telefonare, da lontano.
Non ci sentiamo; eppure io ti sento,
e le tue accuse mi scompigliano il cuore.
So tutte le tue parole, una per una,
e come tu riesci a rigirarle.
E tu che sai le mie, in sogno mi parli
e ti accapigli con i miei pensieri.