Navigannu

Com’è nicu lu munnu e com’è curtu
lu tempu! Oggi, pr’esempiu, haiu ncuntratu,
tambasiannu e ristànnumi assittatu,
un prufissuri, pueta e littratu,
chi canusciu a Catania, ‘ant’anni arreri.
Antonio Corsaro: propiu iddu.
A stissa facci, stissa risatedda.
Peccatu ca muriu. ‘U canusciu
c’avia l’età mia d’oggi, cchiù ‘i spariggi.

Era parrinu, ma nun pridicava,
e pensu ca tanti osti ‘un nni mangiava.
Era veru ncignusu, era curtisi,
scriveva assà, ma ancora ‘i cchiù liggia.
Morsi – ccà dici – nô novantacincu.
‘Un sacciu, siddu fussi ancora vivu,
‘u Cursaru, si issi navigannu
disfiziatizzu, comu fazzu iu.

Un commento su “Navigannu

  1. Come è piccolo il mondo e com’è breve
    il tempo! Oggi, per esempio, ho incontrato,
    girellando e stando qui seduto,
    un professore, poeta e letterato,
    che conobbi tanti anni fa a Catania.
    Antonio Corsaro: proprio lui.
    Stessa faccia, stesso sorriso arguto.
    Peccato che sia morto. Lo conobbi
    che aveva l’età mia d’oggi, all’incirca.

    Era prete, ma non predicava,
    e penso che non mangiasse molte ostie.
    Era di grande ingegno, era cortese.
    scriveva molto, ma ancor più leggeva.
    È morto – leggo qui – nel novantacinque.
    Se fosse ancora vivo oggi, chi lo sa
    se il Corsaro andrebbe navigando
    un po’ scorato, come faccio io.

Lascia un commento

Il tuo indirizzo email non sarà pubblicato. I campi obbligatori sono contrassegnati *